|| ଭକ୍ତ ପ୍ରେମୀ ଭଗବାନ ||

ଦର୍ଶନ ତତ୍ତ୍ୱକୁ   ଦାର୍ଶନିକ ଖୋଜେ
ବିଜ୍ଞାନ ଖୋଜେ ପ୍ରମାଣ,
ସୌନ୍ଦର୍ଯ୍ୟ ପିପାସୁ କବି କଳାକାର
ଭାବ ଖୋଜଇ ଭାବୁକ ପ୍ରାଣ।
ଶିକ୍ଷାର ମହତ୍ଵ  ଶିକ୍ଷିତ ଜାଣଇ
ଶାସ୍ତ୍ର ବୁଝନ୍ତି ବିଦ୍ୱାନ୍,
ଦାନର ମହିମା  ଜାଣେ ଦାନୀ ଜନ୍
ଗୁଣ ବୁଝେ ଗୁଣବାନ୍ ।।

ସତ୍ୟର ମହତ୍ଵ  ସଜ୍ଜନ ଚିହ୍ନନ୍ତି

ପ୍ରେମୀ ଜାଣେ ପ୍ରେମ ରତ୍ନ,

ଦୟାବାନ୍ ବୁଝେ ଦୟା ମୂଳ ତତ୍ତ୍ଵ

ସାଧୁ  ଚିହ୍ନଇ   ସାଧକ ମନ ।

ଆତ୍ମା ପରମାତ୍ମା ଚିହ୍ନନ୍ତି ମହାତ୍ମା

ସନ୍ୟାସୀ ଖୋଜେ କାନନ,

ସ୍ରଷ୍ଟା ଏ ସୃଷ୍ଟିର ଖୋଜନ୍ତି ହୃଦୟ

ଭକ୍ତ ପ୍ରେମୀ ଭଗବାନ।