ପିତା- ଶୁଣି ଯାଅ ବ୍ରହ୍ମଚାରୀ..
ବ୍ରହ୍ମ ସନ୍ଧାନରେ ଭ୍ରମି ଯାଅ କେଣେ
ଆତ୍ମୀୟ ଜନେ ପାଶୋରି...??
ପୁତ୍ର- ଅସାର ଦୁନଆଁ ରୋଗ ଶୋକ ଭରା
କେହି ନୁହେଁ ଆପଣାର ,
ସ୍ୱାର୍ଥୀ ମଣିଷର ଛଳନାର ଅଶ୍ରୂ
ଝରେ ଏଠି ନିରନ୍ତର ।
ହେ ମୋର ଜନ୍ମଦାତା......
କହି କି ପାରିବ କାହିଁକି ମାନବ
ପାଳେ ନାହିଁ ନୀତି କଥା ...?
ପିତା- ନୀୟତି 'ର ନୀତି ରୋଗ , ଶୋକ, ପ୍ରୀତି
ଦୁଃଖ-ସୁଖ ର ସଂସାର,
ଭାଙ୍ଗିବା ଗଢ଼ିବା ଘଟେ ଘଟାନ୍ତରେ
ଶୂନ୍ୟମୟ ଅଗୋଚର ।
ସାକ୍ଷୀ ହୁଏ ଯେ ନିଜ କର୍ମ ର...
ଆନନ୍ଦ ସାଗରେ ହୁଏ ପ୍ରକ୍ଷାଳିତ
ଜନମ ସାର୍ଥକ ତା'ର ।
ପୁତ୍ର- ଅବୋଧ ବାଳୁତ ସନ୍ତାନ ତୁମର
ଜାଣେନା ଏ ଗୂଢ କଥା ,
ଲୁହ , ଲହୁ ଯେବେ ମାନବ'ଠୁ ଝରେ
ମନେ ଦିଏ ବଡ଼ ବ୍ୟଥା ।
ବିଳପି ଉଠେ ହୃଦୟ.......
ସନ୍ତାପିତ ପ୍ରାଣ ସମାଧାନ ଖୋଜେ
ପଦେ ପଦେ ତୁଟେ ଲୟ ।
ପିତା - ଜାଗ୍ରତ ମାନବ ସ୍ଥିତପ୍ରଜ୍ଞ ଭାବ
ଅବିଚଳ ପ୍ରତି କର୍ମେ ,
ଆତ୍ମାମେଳେ ଥାଇ ପରମାତ୍ମା ରମେ
ଲକ୍ଷ୍ୟ ତା' ପରମ ଧାମେ ।
ବିତରି ଜ୍ଞାନର ଜ୍ୟୋତି.....
କୋଟି କୋଟି ଦୀପ ପ୍ରଜ୍ଜ୍ଵଳିତ କରେ
ସ୍ମରଣୀୟ ତା'ର ସ୍ମୃତି ।
ପୁତ୍ର - ହେ ମୋ ପ୍ରାଣଦାତା ଜୀବନ୍ତ ଦେବତା
ତତ୍ତ୍ଵ ଦେଇଛ ବତାଇ ,
ସଦ୍ଜ୍ଞାନ, ସତ୍ କର୍ମେ ନିୟତ ଚାଲିବି
ବାଟ ମୁଁ ହୁଡିବି ନାହିଁ ।
ପଦ୍ମ ପତ୍ରେ ଯେହ୍ନେ ଜଳ....(!)
ଥାଇ ସେହି ଭାବେ ସଂସାରେ ରମିବି
ଚିର ଆଶ୍ରୟ (ତବ) ପଦ ଯୁଗଳ ।।
ପିତା - ଯଶସ୍ଵୀ ... ଭଵଃ ।
(ମୋର ଏକମାତ୍ର ପୁତ୍ର ଶ୍ରୀମାନ ସୁବ୍ରତ
ଶତପଥୀ 'ର ବ୍ରତୋପନୟନ ଉପଲକ୍ଷେ..)
-ସୁବାଷ ଚନ୍ଦ୍ର ଶତପଥୀ
ବ୍ରହ୍ମ ସନ୍ଧାନରେ ଭ୍ରମି ଯାଅ କେଣେ
ଆତ୍ମୀୟ ଜନେ ପାଶୋରି...??
ପୁତ୍ର- ଅସାର ଦୁନଆଁ ରୋଗ ଶୋକ ଭରା
କେହି ନୁହେଁ ଆପଣାର ,
ସ୍ୱାର୍ଥୀ ମଣିଷର ଛଳନାର ଅଶ୍ରୂ
ଝରେ ଏଠି ନିରନ୍ତର ।
ହେ ମୋର ଜନ୍ମଦାତା......
କହି କି ପାରିବ କାହିଁକି ମାନବ
ପାଳେ ନାହିଁ ନୀତି କଥା ...?
ପିତା- ନୀୟତି 'ର ନୀତି ରୋଗ , ଶୋକ, ପ୍ରୀତି
ଦୁଃଖ-ସୁଖ ର ସଂସାର,
ଭାଙ୍ଗିବା ଗଢ଼ିବା ଘଟେ ଘଟାନ୍ତରେ
ଶୂନ୍ୟମୟ ଅଗୋଚର ।
ସାକ୍ଷୀ ହୁଏ ଯେ ନିଜ କର୍ମ ର...
ଆନନ୍ଦ ସାଗରେ ହୁଏ ପ୍ରକ୍ଷାଳିତ
ଜନମ ସାର୍ଥକ ତା'ର ।
ପୁତ୍ର- ଅବୋଧ ବାଳୁତ ସନ୍ତାନ ତୁମର
ଜାଣେନା ଏ ଗୂଢ କଥା ,
ଲୁହ , ଲହୁ ଯେବେ ମାନବ'ଠୁ ଝରେ
ମନେ ଦିଏ ବଡ଼ ବ୍ୟଥା ।
ବିଳପି ଉଠେ ହୃଦୟ.......
ସନ୍ତାପିତ ପ୍ରାଣ ସମାଧାନ ଖୋଜେ
ପଦେ ପଦେ ତୁଟେ ଲୟ ।
ପିତା - ଜାଗ୍ରତ ମାନବ ସ୍ଥିତପ୍ରଜ୍ଞ ଭାବ
ଅବିଚଳ ପ୍ରତି କର୍ମେ ,
ଆତ୍ମାମେଳେ ଥାଇ ପରମାତ୍ମା ରମେ
ଲକ୍ଷ୍ୟ ତା' ପରମ ଧାମେ ।
ବିତରି ଜ୍ଞାନର ଜ୍ୟୋତି.....
କୋଟି କୋଟି ଦୀପ ପ୍ରଜ୍ଜ୍ଵଳିତ କରେ
ସ୍ମରଣୀୟ ତା'ର ସ୍ମୃତି ।
ପୁତ୍ର - ହେ ମୋ ପ୍ରାଣଦାତା ଜୀବନ୍ତ ଦେବତା
ତତ୍ତ୍ଵ ଦେଇଛ ବତାଇ ,
ସଦ୍ଜ୍ଞାନ, ସତ୍ କର୍ମେ ନିୟତ ଚାଲିବି
ବାଟ ମୁଁ ହୁଡିବି ନାହିଁ ।
ପଦ୍ମ ପତ୍ରେ ଯେହ୍ନେ ଜଳ....(!)
ଥାଇ ସେହି ଭାବେ ସଂସାରେ ରମିବି
ଚିର ଆଶ୍ରୟ (ତବ) ପଦ ଯୁଗଳ ।।
ପିତା - ଯଶସ୍ଵୀ ... ଭଵଃ ।
(ମୋର ଏକମାତ୍ର ପୁତ୍ର ଶ୍ରୀମାନ ସୁବ୍ରତ
ଶତପଥୀ 'ର ବ୍ରତୋପନୟନ ଉପଲକ୍ଷେ..)
-ସୁବାଷ ଚନ୍ଦ୍ର ଶତପଥୀ