ଉଛୱାସିତ ସମ୍ବର୍ଦ୍ଧନା

ଉଛୱାସିତ ସମ୍ବର୍ଦ୍ଧନା
ଜାଗତିକ ମାର୍ମିକ ବେଦନା
ଉନ୍ମୋଚିତ କରେ ବେଳେ ବେଳେ
ଜୀବନର ପୃଷ୍ଠଭୂମି....
ସତ୍ତା ବିଭୂଷିତ ହୁଏ
ଅନୁବନ୍ଧିତ, ଅନୁରଣିତ ହୁଏ 
ଅନୁଗୃହୀତ ହୁଏ 
ବିଧିର ବିଡମ୍ବନାରେ ନନ୍ଦିତ ହୁଏ
ପ୍ରତିବିମ୍ବିତ ପ୍ରତ୍ୟାଶାର 
ନିବିଡ ସ୍ପର୍ଶରେ ..।
ଅନାଗତ  ଭବିଷ୍ୟତ
ଅନାହୁତ ଅତିଥି,
ପ୍ରୋଥିତ ପ୍ରଦର୍ଶନୀର ନୀରବ କ୍ରନ୍ଦନ
ଗୁଞ୍ଜରିତ ହୁଏ.....
ପ୍ରତ୍ୟେକଟି ହୃତ୍ କମ୍ପନରେ ।
ହାସ୍ୟରୋଳ , ଅଟହାସ୍ୟର
ମଧୁର ମୂର୍ଚ୍ଛନାରେ..
ଜଳିଉଠେ ସ୍ୱପ୍ନର ଇଂଗିତ..!!
ବାସ୍ତବ ବିଧ୍ୱସ୍ତ ହୁଏ 
କଳ୍ପନାର କାଳଫାଶୁ 
ଓଁ କାର ଧ୍ୱନୀ .......
ପ୍ରସ୍ଫୁଟିତ କରେ 
ପ୍ରଜ୍ବଳିତ କରେ
ନିଷ୍ପ୍ରାଣ, ନିଷ୍ପେସିତ, ନିର୍ଯ୍ୟାତିତ
ଜଡ଼ ଶରୀରକୁ ....
ସମ୍ୟକ୍ ଉଦ୍ବର୍ଦ୍ଧନାରେ  ।।