ବିଶ୍ଵ ମାତୃ ଦିବସ ଉପଲକ୍ଷେ ଗୋଟିଏ ମାଆ ର ଖେଦ୍ୟୋକ୍ତି

ପ୍ରେକ୍ଷାପଟେ ପ୍ରତୀକ୍ଷିତ ପ୍ରତାରଣା
ପ୍ରାଣଘାତୀ ପ୍ରସୂତି ଯନ୍ତ୍ରଣା..!
ଘୂରିବୁଲେ ନିଘଞ୍ଚ ଇଲାକାରେ
ଖୋଜିବୁଲେ 
ପ୍ରିୟ ପରମଙ୍କୁ .....
କଥାଦେଇ ଭୁଲି ଯାଇଥିବା
ମନର ମଣିଷକୁ ।
ମାତୃତ୍ୱ ବିଳାପ କରେ
ବିରାମ ବିହୀନ,
ବାତ୍ସଲ୍ୟ ବିଗଳିତ 
ବିଦଗ୍ଧ ବ୍ୟଥାରେ....।
ପରିଚୟ ଆଢୁଆଳେ
ପ୍ରଶ୍ନ କରେ......
ପ୍ରବଞ୍ଚକ , ପ୍ରତାରକ 
ଭଣ୍ଡ ସମାଜକୁ....(????)
କାଗଜ କଲମରେ
ସୁରକ୍ଷା ବ୍ୟବସ୍ଥିତ୍ କରୁଥିବା
ଅବିଶ୍ୱାସୀ , ମାଂସାଶୀ 
ରାହୁଗ୍ରସ୍ତ ମଣିଷଗୁଡ଼ାଙ୍କୁ ..!!
ନାଁ........ ଆଉ ନୁହେଁ
"ତୋ ପାଇଁ ମୁଁ
ଆଉ....
ମୋ ପାଇଁ ତୁ  "...
ପରିପୂରକତାର ପୃଷ୍ଠଭୂମିରେ
ମୁଁ ବି ସନ୍ୟାସିନୀ ହେବି (!)
ପରଖିବି ତୋର ଧୈର୍ଯ୍ୟ...
କାଳୀ ସାଜି ଧ୍ୱଂସ ମୁଁ ରଚିବି
ଦେଖିବି ତୋ...
ଶୌର୍ଯ୍ୟ' ର ଚମକ ।
(ବିଶ୍ଵ ମାତୃ ଦିବସ ଉପଲକ୍ଷେ
ଗୋଟିଏ ମାଆ ର ଖେଦ୍ୟୋକ୍ତି)