|| ବସୁଧୈବ କୁଟୁମ୍ବକମ୍ ||

ବିଚାରଧାରା'ର ବିପରୀତ ପ୍ରୀତି
ଲକ୍ଷ୍ୟହୀନ ଅନନ୍ତ ପ୍ରସ୍ତୁତି
ମୁହ୍ୟମାନ ମାନବବାଦର
ଋଗ୍ଣ , କରୁଣ ପରିଣତି .....
ଲିପିବଦ୍ଧ ହୁଏ ତାଜା ଲହୁରେ
ଯାହାର ଶୀର୍ଷକ....
ଆତଙ୍କବାଦର ଦୁଃଖଦ ଇତିବୃତ୍ତି ।

ଅଘୋଷିତ ସ୍ବାର୍ଥବାଦର
ଲେଲିହାନ୍ ଶିଖାତଳେ
ଗର୍ଜିଉଠେ ଅହଂବାଦ ..,
ଶୈଶବର ହାହାକାର 
ତାରୁଣ୍ୟର ତପ୍ତଲୁହ ଧାର
ଧୋଇନିଏ...........
କଳ୍ପିତ ରାମରାଜ୍ୟ ,
ଉତ୍ କ୍ଷିପ୍ତ ଗଣତନ୍ତ୍ରର ଚତୁଃସ୍ତମ୍ବ
ଧରାଶାୟୀ ହୁଏ....
ଭସ୍ମାସୁରର ଭୂଜବଳେ
ପ୍ରତିଶୋଧର ବାଡ଼ବାଗ୍ନି ଦେଇ ।

ପ୍ରତିକାର .......??
ଜାତି,ଧର୍ମ, ବର୍ଣ୍ଣର ମରୀଚିକା ଛାଡ଼ି
ଆଚରିବା ମନ୍ତ୍ର
"ବସୁଧୈବ କୁଟୁମ୍ବକମ୍ "...।।