|| ଭଲ ହେଲା ||

ବଢନ୍ତା ନଇରେ.....
ବାଇଆ ଚଢେଇର ବସାକୁ ଆଶ୍ରାକରି
ଭାବିଥିଲି ପାରିହେବି ...!!!

ଭଲ ହେଲା....,

ମୋ ଭାବନା ଭାବନାରେ ରହୁ ରହୁ

ସମୟ ଜୁଆର ତାକୁ ଠେଲିନେଲା

ଦୂରକୁ... ବହୁତ ଦୂରକୁ ।

ପୁଣି ସେହି ଏକା ଏକା....

ସେଇ ଗଣିତ, ଇଁରାଜୀ ଓ ବିଜ୍ଞାନ

ରାଶି ରାଶି ଖାତା ବହି...

ସମସ୍ତଙ୍କ ତାତ୍ସଲ୍ୟ... ବିଦ୍ରୁପ ଆକ୍ଷେପ

"ତୁମେ ଆମକୁ କଣ ଛାଡ଼ିପାରିବ"??

ଭଲ ହେଲା....
ଛାଡିପାରିଲିନି ତ ...
କଣ ହେଲା ସେଇଠୁ ?
ମୁଁ ଜାଣିଛି....
ତୁମେମାନେ ସ୍ୱାର୍ଥପର  (!)
ଠିକ୍ ଆମରିମାନଙ୍କ ପରି,
ଠକି ଦେଇଯାଅ...
ଜରାଗ୍ରସ୍ତ ଭଗ୍ନ ଶରୀରରେ ।

ଭଲ ହେଲା....

ଜୀବନର ଗ୍ରନ୍ଥିସବୁ

ଆପେ ଆପେ ଯାଉଛନ୍ତି ଖୋଲି

ପ୍ରଶ୍ନମାନେ ଛାଏଁ ଛାଏଁ

ପାଉଛନ୍ତି ସମାଧାନ ପଥ ।

ଏବେ ମୁଁ ଖାଲି ଏକ

ସ୍ମୃତି 'ର ଜାହାଜ...…....

ସ୍ମୃତି ଭାରେ ଡୁବିଯିବି ଯେବେ

ଜୀବନ ସାଗରେ....

ପ୍ରାଣପକ୍ଷୀ ଉଡିଯିବ ନୀଳ ଆକାଶରେ....

ଚୁମ୍ବୀବାକୁ ..ଭସା ବାଦଲକୁ ।