|| ଆସ ବାବା ବନିବା ||

ଆସ ବାବା ବନିବା...
ରାମରହିମ୍ ହେଉ ଅବା ସୁର, ସାରଥି
ନିତ୍ୟାନନ୍ଦ କୁଞ୍ଜେ ରାସ ରଚିବା ,
ଆସ ବାବା........।

ଦୁର୍ବଳ ଲୋକଙ୍କ ମନ କିଣିବା

ସ୍ମିତହାସ୍ୟ ହସି ଚିତା କାଟିବା,

କହିବା ବେଶୀ ଅଳପ ଭାବିବା

ବିଦେଶୀ ପ୍ରସାଧାନେ ମୁଖ ରଞ୍ଜିବା,

ପୋଥି ପୁରାଣକୁ କଣ୍ଠସ୍ଥ କରି...

ଜନତାଙ୍କୁ ଉଲ୍ଲୁ ବନାଉଥିବା ,

ଆସ ବାବା.......।

ଈଶ୍ୱରଙ୍କ ଅବତାର ବୋଲାଇ
ଆତ୍ମ ଘୋଷିତ ସଦଗୁରୁ ସାଜିବା
ଖୋଷାମତିଆଙ୍କୁ ଭକ୍ତ ବନାଇ,
ଜନତାଙ୍କ ଧନ,ମାନ ଲୁଟିବା ।
ବିଳାସବ୍ୟସନେ କାଳ କାଟିବା

କଳଙ୍କ ପୋଛିବା କଳାଧନ ଦେଇ

ନେତା, ମନ୍ତ୍ରୀଙ୍କର ଗୁରୁ ସାଜିବା..

ପ୍ରତିବାଦ ସ୍ୱର କାନେ ବାଜିଲେ

ମୋକ୍ଷକର୍ତ୍ତା ହୋଇ ନିର୍ବାଣ ଦେବା(!!)

ପିଢ଼ି ପରେ ପିଢ଼ି ଅର୍ଚ୍ଚନା ପାଇଁକି

ଧନ,ମାନ, ଜନ ନିତି ସଂଚିବା ।।